Bu gün Qubada Kənd Təsərrüfatı Nazirliyi yanında Aqrar Kredit və İnkişaf Agentliyinin təşkilatçılığı ilə “Aqrobiznesin İnkişafı Forumu” keçirilir.
Azərbaycan Sığortaçılar Assosiasiyasının dəvətli olduğu Forumun məqsədi, aqrobiznesin dayanıqlı inkişafı üçün əlverişli investisiya mühiti yaratmaqla ticarətin inkişafı və sosial məsuliyyəti balanslaşdıran, habelə, gənclərin və qadınların məşğulluğunu artıran davamlı fəaliyyətlərin həyata keçirilməsidir.
Forumda Kənd Təsərrüfatı naziri Məcnun Məmmədov, Türk Dövlətləri Təşkilatının Baş katibinin müavini Ömer Kocaman, Milli Məclisin Aqrar siyasət komitəsinin sədri Tahir Rzayev, Kiçik və Orta Biznesin İnkişafı Agentliyinin sədri Orxan Məmmədov, Azərbaycan Mərkəzi Bankının sədr müavini Əliyar Məmmədyarov, Azərbaycan Sahibkarlar Konfederasiyasının prezidenti Məmməd Musayev, Quba Rayon İcra Hakimiyyətinin başçısı İlqar Mahmudov və FAO-nun regional nümayəndəsinin müavini Nabil Gangi açılış nitqi ilə çıxış ediblər.